Иелер орталығы

Бастау нұсқаулығы

• 1. Қосымшада телефон нөмірімен тіркеліп, жеке куәлік пен селфи арқылы тексерістен өтіңіз.
• 2. Көлікті қосыңыз: марка, модель, жыл, жүріс, сипаттама, ережелер.
• 3. 8 фотодан бастап жүктеңіз және бағаны қойыңыз; жүйе класыңыз бойынша ұсыныс береді.
• 4. Күнтізбеде өзіңіз қолданатын күндерді блоктаңыз, жеткізу ақысын белгілеңіз.
• 5. Модерацияға жіберіңіз. Тексерістен кейін көлік іздеуде көрінеді.
• 6. Бірінші сұраныс: лездік брондауда автоматты расталады, болмаса 60 минут ішінде жауап беріңіз.
• 7. Check-in: кездесу, фото-протокол, кілт. Сапар соңында check-out және есеп.

Фото түсіру кеңестері

Фото — жалға алушының бірінші әсері. 8 фотодан кем емес, бәрі бір күні, бір жарықта, көлік жуылған.

• Алды 3/4 — басты фото. Доңғалақ сәл бұрылған, фон бос.
• Арты 3/4 — толық көрініс, жүксалғыш жабық.
• Бүйірі — толық профиль, есіктер жабық.
• Салон — алдыңғы орындықтар ашық есіктен немесе артқы орындықтан.
• Панель — қозғалтқыш қосулы, ескерту шамдары сөнген, одометр көрінеді.
• Жүксалғыш — ашық, бос, таза.
• Қосымша: артқы орындықтар, доңғалақ, руль мен мультимедиа.
• Болдырмаңыз: түнгі және жаңбырдағы фото, басқа көліктердің арасы, адам, сүзгі.

Баға қою

Негізгі бағаны сіз қоясыз, жүйе автоматты ережелерді үстіне қосады.

Демалыс күндері

+15% автоматты

7 күннен ұзақ сапар

−10% автоматты

30 күннен ұзақ сапар

−25% автоматты

Жекелеген күндер

Күнтізбеде күндік бағаны қолмен өзгертесіз

Жеткізу

Әуежайға және мекенжайға жеткізу ақысын өзіңіз белгілейсіз, тегін де қоюға болады

Ұсынылатын ауқым

Эконом 9 000–13 000, Комфорт 13 000–20 000, Бизнес 30 000–45 000, SUV 35 000–95 000, Минивэн 40 000–50 000 ₸

Күнтізбе мен блоктау

• Көлікті өзіңіз қолданатын күндерді алдын ала блоктаңыз; блокталған күндер іздеуде көрінбейді.
• Сапарлар арасына жуу мен тексеруге уақыт қалдырыңыз.
• Расталған сапардан бас тарту рейтингке әсер етеді: Үздік ие мәртебесі үшін шек — 3%.
• Лездік брондау қосулы болса, бос күндерге сұраныс бірден расталады. Өшірулі болса, 60 минут ішінде жауап беру керек; үндемесеңіз, сұраныс автоматты жабылады.

Check-in және check-out тәртібі

Әр сапар фото-протоколмен басталып, фото-протоколмен аяқталады. Бұл даудың бәрін шешетін негізгі құрал.

• Check-in: жалға алушымен кездесіп, қосымшада көліктің сыртын төрт жағынан, салонды, одометрді және жанармай немесе заряд деңгейін түсіресіз. Жалға алушы да түсіреді. Екі жақ растайды — сапар басталады, кепілдік блокталады.
• Сапар кезінде: жалға алушы чатта сұрақ қойса, тез жауап беріңіз.
• Check-out: сол тәртіппен фото, одометр, жанармай. Жаңа зақым болса — сол жерде қосымшада хабарлаңыз. Фотосыз шағым қаралмайды.
• Есеп: жүйе артық шақырым мен жанармай айырмасын есептейді; өтемді чекпен сұрайсыз.
• Кепілдік: зақым мен айыппұл болмаса, 3 жұмыс күнінде толық босатылады; болса — дәлелденген сома ғана ұсталады.

Пікірлер

• Әр сапардан кейін екі жақ бір-біріне 1–5 жұлдыз қояды.
• Пікір өшірілмейді. Теріс пікір келсе, себебін сапар тарихынан қараңыз және келесі сапарда түзетіңіз.
• Үздік ие мәртебесіне соңғы 12 айда 5 жұлдызды пікірлердің 85% керек.
• Пікір жоғары болу үшін: сипаттама нақты, көлік таза, кездесу уақытында.

Төлемдер

Әр сапардан кейін табысыңыз есебіңізде жазылады: сапар бағасы, сіздің үлесіңіз, өтемдер. Сервис алымын жалға алушы төлейді, сіздің үлесіңізден ұсталмайды.

Әр сапардан кейінгі аударым — жоспарда. Төлем серіктесі қосылған соң нақты кестені осы жерде және блогта жариялаймыз.

Жаңалықтар

Иелерге арналған жаңалықтар мен кеңестер блогтың «Иелерге» санатында (/blog). Мысалы: «Көлігіңіз айына қанша табады: Joldar иелерінің есебі».

Байланыс

Иелерге қолдау

hosts@joldar.com

Сапар үстіндегі шұғыл мәселе

Қосымшадағы «Көмек 24/7» арқылы

Жаңа көлік қосу

Қосымшадағы иелер кабинеті